Президент Қасым-Жомарт Тоқаев радикализмнің кез келген түрін қатаң түрде басуға уәде беріп, Қазақстанның мемлекеттік егемендігі мен ел тұтастығына қол сұғуға жол бермейтін айтты, - деп хабарлайды Tengrinews.kz тілшісі.
"Этносаралық қатынастың үйлесімді дамуы әрқашан мемлекеттік саясаттың негізгі бағыттарының бірі болған және бола береді. Бұл тәсілді қазақстандықтардың көпшілігі қолдайды. Ел азаматтары үшін келісім, толеранттылық - бұл өмірдің өзі, мәдениеттер мен тілдердің араласуы.
Біз, Конституцияға сәйкес, біртұтас ұлтпыз. Бұл - біздің сөзсіз күшіміз. Пікір плюрализмін қолдай отырып, біз радикализмнің кез келген түрін қатаң түрде тоқтатамыз. Біздің мемлекеттік егемендігімізге, аумақтық тұтастығымызға қол сұғуға жол бермейміз", - деді Тоқаев Қазақстан халқына жолдауында.
Бұған дейін Тоқаев Қазақстан халқына жолдау жасап, елдің алдағы әлеуметтік-экономикалық дамуының басым бағыттары туралы айтатыны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!