Елордада әл-Фараби ескерткіші ашылды 30 қараша 2021, 16:02
Елордада философ әрі ойшыл Әбу Насыр әл-Фарабидің ескерткішінің ашылу салтанаты өтті, - деп хабарлайды Tengrinews.kz тілшісі елорда әкімдігінің сайтына сілтеме жасап.
Монумент Қазақстан Тәуелсіздігінің 30 жылдығын мерекелеу аясында Әл-Фараби атындағы Оқушылар сарайының жанында орнатылды.
Ескерткіш авторлары - Ә.Бүркітбаев, Д.Сарбасов, К.Бегулиев, А.Тоқбаев, Д.Үсенбаев. Биіктігі - 9,5 метр.
Монумент гранит пен қоладан жасалған.
Бұған дейін қалада Алашордашыларға, сондай-ақ, Талғат Бигелдиновке, Дина Нұрпейісоваға, Қаныш Сәтбаевқа, Жұмабек Тәшеновке, Жақсылық Үшкемпіровке және Ыбырай Алтынсаринге ескерткіштер орнатылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!