13 қаңтар 2022 14:12

Ерлан Баттақов сауда және интеграция бірінші вице-министрі болып тағайындалды

Жансая Қадыржанова Корреспондент

ПОДЕЛИТЬСЯ

Ерлан Баттақов. Фото:udp-rk.kz Ерлан Баттақов. Фото:udp-rk.kz

Ерлан Баттақов сауда және интеграция бірінші вице-министрі болып тағайындалды, - деп хабарлайды Tengrinews.kz тілшісі Primeminister.kz сайтына сілтеме жасап.


Ерлан Баттақов сауда және интеграция бірінші вице-министрі болып тағайындалды, - деп хабарлайды Tengrinews.kz тілшісі Primeminister.kz сайтына сілтеме жасап.

"Қазақстан Республикасы Үкіметінің қаулысымен Ерлан Еркінұлы Баттақов Қазақстан Республикасының сауда және интеграция бірінші вице-министрі қызметіне тағайындалды", - делінген хабарламада.

Сондай-ақ, Ержан Қазақбаев сауда және интеграция вице-министрі қызметінен босатылды.

Ерлан Баттақов 1969 жылы 9 қазанда Қарағанды қаласында дүниеге келген. Қарағанды политехникалық институтын және Мемлекеттік статистика комитеті мен Қазақстан Республикасы Еңбек министрлігінің РСБЖИ бітірген.

Еңбек жолын 1992 жылы Қарағанды политехникалық институтының құрылыс материалдары және бұйымдары технологиясы кафедрасының зерттеуші тағылымгері ретінде бастады.

1995-1996 жылдары - "Алатау Инвест" ҚФИ бас маманы, бас директордың инвестициялар жөніндегі орынбасары.

1996 жылы - Қазақстан Республикасы бағалы қағаздар жөніндегі ұлттық комиссиясы бағалы қағаздар нарығын реттеу басқармасының маманы, бағалы қағаздар нарығындағы кәсіби қызметті лицензиялау бөлімінің бастығы.

1996-2007 жылдары - "Азық-түлік келісімшарт корпорациясы" АҚ бас маманы, бөлім бастығы, басқарма бастығы, қаржы директоры.

2007-2012 жылдары - Қазақстан Республикасы Президенті іс басқармасының бюджеттік бағдарламаларды жоспарлау және қаржыландыру бөлімінің қаржы-талдау секторының меңгерушісі, бюджеттік бағдарламаларды жоспарлау және қаржыландыру бөлімінің меңгерушісі.

2012-2019 жылдары - Қазақстан Республикасы Президенті Іс басқарушысының орынбасары, бірінші орынбасары.

2019 жылғы наурыздан бастап Қазақстан Республикасы Президентінің іс басқарушысы. 
 

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети