Жасөспірімнің вакцина салдырғаны Ashyq-та көрсетіле ме? Министр жауабы 23 қараша 2021, 12:59
Жасөспірімнің вакцина алғаны туралы мәлімет балаларда туылғаннан бері болатын екпе паспортындағы жалпы тізімде жазылады. Бұл туралы Денсаулық сақтау министрі Алексей Цой мәлімдеді, - деп хабарлайды Tengrinews.kz тілшісі.
"Қазіргі уақытта балаларға (вакцинация паспорты – ескерт.) қарастырылмаған. Бірақ қай бала екпе алғанын жазып жатырмыз. Кейбір азаматтар сұрап жатыр. Негізінде, туғаннан бастап екпе паспорты бар: балалар қызылшаға қарсы, көкжөтелге қарсы вакцина алады. Оларға тағы бір екпе (коронавирусқа қарсы – ескерт.) алғаны қосымша қосылады. Ashyq-та үлкендерге ғана", - деп түсіндірді Цой Үкімет отырысынан кейін журналистер сұрағына жауап беріп.
Сондай-ақ, ол Pfizer вакцинасын алғандар арасында жағымсыз реакцияның айқын белгілері байқалмағанын айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!