Мессенджерлерде Президент Қасым-Жомарт Тоқаев елорда Қостанайға көшірілетінін жариялағаны туралы ақпарат тарап жатыр, - деп хабарлайды Tengrinews.kz тілшісі StopFake сайтына сілтеме жасап.
Сайт мәліметінше, ресми дереккөздерде мұндай ақпарат жоқ. Еліміздегі БАҚ та мұндай хабарламалар жарияламаған.
"Қасым-Жомарт Тоқаев Twitter-парақшасында да бұл туралы жазбаған. Қазақстан Президенті баспасөз қызметінің Twitter-парақшаларында да ел астанасын Қостанайға көшіру туралы жаңалық жоқ. Демек, Қасым-Жомарт Тоқаевтың Қазақстан астанасын Қостанайға ауыстыру туралы мәлімдемесі фейк", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
