ҚР Премьер-министрі Кәрім Мәсімов Ресей Федерациясы үкіметінің төрағасы Дмитрий Медведевпен кездесті деп хабарлайды Tengrinews.kz тілшісі.
"13 желтоқсанда Алматыда ҚР Премьер-министрі Кәрім Мәсімов Ресей Федерациясының үкімет басшысы Дмитрий Медведевпен кездесті. Кездесу барысында үкімет басшылары екіжақты сауда-саттық, экономикалық, сонымен қатар электр энергетикасы, мұнай мен газ, көлік және ғарыш салаларындағы әріптестіктің өзекті мәселелерін талқылады" деп хабарлайды ҚР Премьер-министрі баспасөз қызметіндегілер.
Ресей үкіметінің сайтында да кездесу барысында қос тараптың премьер-министрі екіжақты ресейлік-қазақстандық экономикалық әріптестікті, сонымен қатар Кеден одағы мен Еуразиялық экономикалық одақ аясындағы өзара іс-қимылдарды талқылады деп хабарланған.
