14 қаңтарда Қазақстанның төрт облысында ауа райы бұзылады, - деп хабарлайды Tengrinews.kz тілшісі "Қазгидромет" өкілдеріне сілтеме жасап.
14 қаңтарда Батыс Қазақстан облысының кей жерінде тұман, көктайғақ, бұрқасын болжанады. Оңтүстік-шығыстан жел соғады, кей жерлерде секундына 15-20 метрге дейін жетеді. Оралда да ауа райы тұманды, желді болады.
ШҚО-да боран соғып, тұман түсіп, ауа температурасы 28-33 градусқа дейін төмендейді.
Солтүстік Қазақстан облысының кей жерінде тұман түседі. Ауа температурасы түнде 33-38 градусқа дейін төмендейді деп болжанады. Петропавлда аяз 35-37 градусқа дейін жетеді.
Қызылорда облысының кей жерінде тұман түседі. Солтүстік-шығыстан, шығыстан секундына 15-20 метрге дейін жел соғады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!