1. Басты
  2. Біл
  3. Жаңалықтар
  4. Ел жаңалықтары

Қазақстанда қанша оқушы коронавирус жұқтырды?01 қазан 2020, 18:43

Фото:elements.envato.com Фото:elements.envato.com

Денсаулық сақтау вице-министрі Ажар Ғиният Қазақстанда қанша оқушы коронавирус жұқтырғанын айтты, - деп хабарлайды Tengrinews.kz тілшісі.

"Кезекші сыныптарда оқитын студенттер арасында коронавирус инфекцияның 36 жағдайы тіркелді. Бұл 1-4 сынып оқушылары. 575 оқушы олармен байланыста болған. Олардың ішінде 10 баланың коронавирусқа ПТР-сынамасы оң нәтиже көрсетті", - деді вице-министр ОКҚ-да өткен онлайн-брифингте.

Оның айтуынша, олардың ауруы симптомсыз немесе жеңіл өтіп жатыр.

"Вирус жұқтырған балалардың жалпы санынан тек бесеуі ауруханаларға жатқызылды. Оның ішінде дәрігерлер үшеуінің жағдайын орташа деп бағалады. Қашықтан оқитындардың ішінде COVID-19-дың 73 жағдайы тіркелді. Олармен 242 адам байланыста болған.

Олардың бәріне ПТР зерттеуі жүргізілді, 15 жағдай оң нәтиже көрсетті. Олардың денсаулық жағдайы қауіпті емес: олардың арасында ауыр жағдайлар жоқ. Инфекция жағдайлары Шығыс Қазақстан облысында (13 бала) көп тіркелді, Солтүстік Қазақстан облысында 12 жағдай, қалған аймақтарда - 1-2 жағдайдан", - деді Ажар Ғиният.

Қазақстан жаңалықтары. Соңғы жаңалықтар. Telegram желісінде бізге жазыл!