18 мамыр 2021 18:13

Қазнетте вакцинация "чиптеудің дәлелі" екені талқыланып жатыр

ПОДЕЛИТЬСЯ

Видеодан алынған кадр Видеодан алынған кадр

Қазақстандықтар әлеуметтік желілерде әкесі вакцина салдырған баласының қолына магнит тартылатыны көрсетілген бейнероликті бөлісіп жатыр. Кейбір пайдаланушының пікірінше, бұл вакциналарда чиптің болуының дәлелі, ол егілген адамды бақылауға мүміндік береді. Басқалары бұған препараттардың құрамындағы алюминий себеп дейді. StopFake пайымдарды жоққа шығарды, - деп хабарлайды Tengrinews.kz тілшісі.


Қазақстандықтар әлеуметтік желілерде әкесі вакцина салдырған баласының қолына магнит тартылатыны көрсетілген бейнероликті бөлісіп жатыр. Кейбір пайдаланушының пікірінше, бұл вакциналарда чиптің болуының дәлелі, ол егілген адамды бақылауға мүміндік береді. Басқалары бұған препараттардың құрамындағы алюминий себеп дейді. StopFake пайымдарды жоққа шығарды, - деп хабарлайды Tengrinews.kz тілшісі.

Вакцина салдырған адамдардың қолына магнит жабысатын видеолар бұрыннан бар. Мұндай бейнероликтер желінің ағылшын тілді сегментінде тараған, бастапқыда олар вакциналарда микрочиптердің болуын дәлелдеуге бағытталған болатын.

StopFake мәліметінше, бұл ғылыми деректерге қайшы келетін қастандық теориясы. Адамдарға COVID-19-ға қарсы вакцинамен бірге чиптер енгізілетіні туралы жорамалдар негізсіз. Бұған дейін де бұл миф жоққа шығарылған.

"Денеге стандартты инъекциялық инемен енгізуге болатын чип қазіргі кезде әзірленіп жатыр. Оның мөлшері небәрі 0,1 текше миллиметр, оны микроскоппен ғана көруге болады. Бұл технологияны жаппай пайдалану туралы мәселе әзірге көтеріліп отырған жоқ. Бірақ денеге енгізілген ол бұлшықет пен тері қабатының астынан өзіне магнит тарта алмайды", - дейді басылым өкілдері.

Тағы бір теория бойынша, инъекция орнына тартылған магнит вакциналар құрамында көп мөлшерде алюминий барын дәлелдейді. Алайда мұндай тәжірибені дәлел ретінде қарастыруға болмайды, өйткені алюминий парамагнетик болып саналады және магнитке тартылмайды.

Талқыланып отырған видеода автор магниттің вакцина салдырған балаға әсерін көрсетеді. Айта кетейік, ол ұлының қандай вакцина алғанын айтпайды, бірақ оның COVID-19-ға қарсы егілмегеніне StopFake өкілдері сенімді. Себебі бүгінде 18 жасқа дейінгі балалар мен жасөспірімдер бұл ауруға қарсы вакциналанбайды. Сондықтан видео кейіпкері COVID-19-ға қарсы егілді деп пайымдауға болмайды.

Инъекция орнына тартылатын магнит туралы бейнеге сілтеменің өзі ешқандай жазбасыз және түсіндірулерсіз таратылған. Шын мәнінде, видео авторының парақшасында магнитпен түсірілген видео адамдарды сенімді ақпаратты жалған ақпараттан ажыратуға үйрету үшін арнайы жасалған фейк деп айтылған тағы бір видео жарияланған.

Кейбір адамдар белгілі бір ерекше энергияның арқасында өзіне метал тарта алады деген болжам бар. Скептиктер мұндай бейнелерді бірнеше рет жоққа шығарған болатын. Қасықтар мен заттардың теріге жабысуының құпиясы адамның ерекше "магнит өрісі" мен "зерттелмеген энергиясының" болуында емес, теріні жабысқақ ететін тер мен заттар "тартылатын" дененің иілген қабаттарында жатыр. Желіде паранормальды қабілеттері жоқ қарапайым адамдар осы айла-амалдарды қолдана отырып, қасықтарды өздеріне "магниттей" жабыстырып алатын видеоларды көруге болады.

"Осылайша, адамды магнитке айналдыратын вакциналардағы металл чиптер мен металдардың қауіпті дозалары туралы теория ғылыми фактілерге қайшы келеді және ешқандай дәлелі жоқ. Бейнеролик фейк, бұл туралы оның авторы өз парақшасында хабарлаған", - делінген сайтта.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети