+7 (777) 001 44 99
Қазақша
Русский
English
Жамбыл облысы Қордай ауданындағы жағдайлардан кейін жаппай мемлекеттік шекараны кесіп, Қырғызстанға өтіп кеткен қазақстандықтар елге оралып жатыр. Бұл туралы Жамбыл облысының әкімі Бердібек Сапарбаев айтты, - деп хабарлайды Tengrinews.kz тілшісі.
"Соңғы үш күнде көптеген азаматымыз Қырғызстанға қашты. Соңғы екі күнде 8 мың азамат оралды. Кешеден бері барлық мектептер мен балабақшалар штат режимінде жұмыс істеп жатыр. Сауда орталықтары жұмыс істеп жатыр", - деді Сапарбаев үкімет отырысында.
Қазақстандықтардың жаппай қазақ-қырғыз шекарасынан өтіп жатқаны туралы мәліметтер 9 ақпанда қырғызстандық БАҚ-та пайда болды. 24.kg мәліметінше, 8 ақпанда қазақ-қырғыз шекарасынан 4 мыңға жуық қазақстандық өткен.
