Бас прокурордың орынбасары Әсет Шындалиев бұрынғы ұлттық экономика министрі Қуандық Бишімбаев амнистияға ілінуі мүмкін бе деген сұраққа жауап берді, - деп хабарлайды Tengrinews.kz тілшісі.
Шындалиевтың айтуынша, адам өліміне алып келген қылмыстар үшін сотталғандарға амнистия қолданылмайды.
"Ілікпейді (Бишімбаевқа – еск.). Біз жаңа ғана депутаттармен жол-көлік оқиғалары бойынша талқыладық. Депутаттар абайсызда адам өлімі болған жағдайда кінәлілерге амнистия қолдануға бола ма деп сұрады. Заң жобасын әзірлеушілердің ұстанымы – адам өліміне алып келген барлық қылмыс амнистияға ілікпеуі керек", – деді Бас прокурордың орынбасары Мәжіліс кулуарында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!