Мамыр айында күн жылы және жаңбырлы болады, - деп хабарлайды Тengrinews.kz сайты "Қазгидромет" РМК-нің ұзақ мерзімді болжамдар орталығына сілтеме жасап.
Синоптиктер мамырда күн жылынатынын айтады. Республика аумағы бойынша ауа температурасы белгілен мөлшерден 1-2 градус жоғары болады. Павлодар және Шығыс Қазақстан облыстарында да температура бірқалыпты болмақ. Сондай-ақ, бұл ай жауын-шашынды болады деп күтілуде. Солтүстік Қазақстан мен Қостанай облыстарында жаңбыр әдеттегіден көбірек жауады. Жауын-шашын Ақмола облысында, солтүстік батыста, солтүстік шығыста, және таулы оңтүстік өңірлерде бірқалыпты деңгейде жауады. Ал, өзге өңірлерде жылдағы мөлшерден аз жаңбыр жауады.
Бұған дейін синоптиктер жазда еліміздегі ауа-райы қандай болатынын айтқан еді. "Қазгидрометтің" сол деректеріне сүйенсек, биыл еліміздің солтүстік-шығысы салқын және жауын-шашынды, ал қалған аймақтар құрғақ және ыстық болады.
