1. Басты
  2. Біл
  3. Жаңалықтар
  4. Ел жаңалықтары

Маңғыстау облысының полицейлері "Жолда қабылдау" республикалық акциясын өткізді

ҚР Ішкі істер министрі Ерлан Тұрғымбаевтың нұсқауымен Маңғыстау облысының аумағында "Жолда қабылдау" республикалық акциясы өткізілді, - деп хабарлайды Тengrinews.kz тілшісі облыстық ПД баспасөз қызметіне сілтеме жасап. 

"Азаматтардың сұрақтарына Департамент басшысы Қ. Таймерденов бастаған департамент басшылығы, сондай-ақ Әкімшілік полиция, Жергілікті полиция және Көші-қон қызметі, Кадр саясаты қызметкерлері, "Нұр Отан" партиясы өкілдері жауап берді", - делінген хабарламада. 

Азаматтар өтініш білдірген негізгі мәселелер-көлікті тіркеу, жүргізуші куәлігін ауыстыру, азаматтық алу, қала жолдарындағы таңбаларды жаңарту және әкімшілік айыппұлдарды төлеу.

Тиісті баннерлермен белгіленген арнайы жабдықталған автобус тұрды. Акцияға жергілікті және республикалық БАҚ өкілдері қатысты. Іс-шара Facebook және Instagram әлеуметтік желілерінің ресми парақшалары арқылы тікелей эфирде көрсетілді.

"Азаматтарды қабылдау облыстың барлық аудандары мен қалаларында өтіп жатыр. Екікүндік шараға 1000-нан астам азамат келді. Сонымен қатар 34 30 60​ "қауырт желі" жұмыс істеді", - делінген хабарламада. 

Сондай-ақ, шара аясында Ақтау қаласы Полиция басқармасының учаскелік инспекторлары 2 және 3 шағын аудандардың тұрғындарымен кездесіп, өтініштерін тыңдап, сауалдарына жауап берді.