Назарбаев Путинге Ту-154 апатына байланысты көңіл айтты

25 Желтоқсан 2016, 15:25
0
Назарбаев Путинге Ту-154 апатына байланысты көңіл айтты - ҚР Президенті Нұрсұлтан Назарбаев. © REUTERS
ҚР Президенті Нұрсұлтан Назарбаев. © REUTERS

Нұрсұлтан Назарбаев РФ президенті Владимир Путинге Ту-154 апатына байланысты көңіл айтты, - деп хабарлайды Tengrinews.kz тілшісі Ақордаға сілтеме жасап.

Жеделхатта Мемлекет басшысының РФ Қорғаныс министрлігінің ұшағының апатқа ұшырап, салдарынан ресейлік азаматтардың қайғылы қазасы жайлы хабарды зор күйзеліспен қабылдағаны айтылады.

"Нұрсұлтан Назарбаев Қазақстан халқының және өз атынан қаза болғандардың туыстары мен жақындарына және Ресей халқына қайғырып көңіл айтады", - делінген хабарламада. 

Еске салайық, РФ Қорғаныс министрлігінің ұшағы жексенбіде, 25 желтоқсанда таңғы уақытта апатқа ұшыраған болатын. Лайнердің бортында 92 адам болған. Олардың ішінде, Александров атындағы ансамбльдің 68 музыканты, БАҚ-тардың 9 өкілі ("Звезда" телеарнасы, НТВ және Первый канал), алып келе жатқан 6 адам және экипаждың 8 мүшесі бар.

РИА Новости мәліметінше, Ту-154 ұшып шыққаннан кейін жеті минут өткенде апатқа ұшыраған. Ұшақ Қара теңіздің Анапа жағалауына жақын маңда құлаған. Лайнердің қирандысы бір жарым шақырымға шашылған, олар 50-100 метр тереңдікте. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай