Нұр-Сұлтанда құрылыс нысанының астыңғы қабатында өрт шықты, - деп хабарлайды Tengrinews.kz тілшісі.
Оқиға орнынан түскен суретті редакцияға куәгерлер жіберген.
Қалалық ТЖД бұл жағдайға түсініктеме берді.
"21 наурызда сағат 12.42-де ТЖД Өрт сөндіру бөлімшелері Айша бибі көшесінде түтін көрінгені туралы келіп түскен хабарламаға шықты.
Оқиға орнына келген құтқарушылар құрылыс нысанының астыңғы қабатында 50 шаршы метр алаңда материалдар жанып жатқанын анықтады", - деп хабарлады Нұр-Сұлтан қалалық ТЖД баспасөз қызметі.
Өрт 13.07-де сөндірілді. Құрбан болғандар мен зардап шеккендер жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!