ОҚО полицейлері "қанға боялған мәйіт" суретінің авторларын тапты

16 Қазан 2015, 13:12
0
ОҚО полицейлері "қанға боялған мәйіт" суретінің авторларын тапты - © Otyrar.kz
© Otyrar.kz

Полицейлер автомобильдің жүксалғышына "мәйіт" салған фотоның авторларын тапты, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап.

Ведомствоның мәліметінше, жас жігіттердің түскен суреті Instagram желісінде жарияланған. Суреттен автомобиль жанында екі жігіттің тұрғанын, ал жүксалғышта "қанға боялған мәйіттің" жатқанын көруге болады.

ОҚО ІІД криминалдық полиция қызметкерлерінің жедел іздестіру шаралары нәтижесінде суреттің "сахналанғаны" анықталды. Құқық қорғау органдарының қызметкерлері суреттегі үш адамды да анықтады. Олар ОҚО Ордабасы ауданының 1997 және 1998 жылғы тұрғындары болып шықты.

© ОҚО ІІД баспасөз қызметі

Жас жігіттердің айтуынша, сурет былтыр қыркүйек айында түсірілген. Бұл күні олардың бірінің үйінде мал сойылыпты.

"Жігіттер қалжың үшін осындай суретке түсуді ұйғарады. Олар достарының біріне қойдың қанын жағып, оны жүксалғышқа отырғызып қойған. Кейін  телефондарына суретке түсіреді", - деп хабарлады ведомствоның баспасөз қызметі.

Полицейлер оларға ескерту жасады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай