Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Оқушының өлімі үшін мектеп директорына сөгіс жарияланды

26 Қыркүйек 2014, 15:30
0
№76 мектеп-лицейінің директоры Раушан Күшібаева. ©ТengrinewsTV
№76 мектеп-лицейінің директоры Раушан Күшібаева. ©ТengrinewsTV

Астана қаласы білім басқармасы бастығының орынбасары мен 8-сынып оқушысы сыныптасын өлтірген мектептің директорына сөгіс жарияланды, бұл туралы Білім және ғылым министрі Аслан Сәрінжіпов айтты, - деп хабарлайды "Интерфакс-Қазақстан".

"Комиссия жұмыс істеп жатыр, бүгінде шешім қабылданды, адамдар жазаланды. Біз құрған комиссия шеңберінде мектеп директоры мен білім басқармасы бастығының орынбасары сөгіс берілді", - деді министр журналистерге 26 қыркүйек күні Астанада. 

"Біздің әкімшілік шараны ғана қолданатынымыз түсінікті, ал қылмыстық іс - құқық қорғау органдарының құзырындағы іс, бірақ біз министрлік ретінде бұл жағдайға ерекше мән беруіміз керек. Біз мектептерде тәрбие жұмысында, балалармен жұмыс істеуде тұтас алғанда не болып жатқанын қарауымыз қажет. Сондықтан комиссия мәселенің әкімшілік жағын ғана емес, сонымен бірге, тәрбиелік жағына да мән беретін болады", - деді Сәрінжіпов.

Астанада №76 орта мектептің 8-сынып оқушысы сабақ үстінде сыныптасының кеуде тұсына қаламсап сұғып алған болатын. Оқушы алған жарақатынан қайтыс болды.

Соққы жасаған оқушының психикалық денсаулық орталығында есепте тұрғаны анықталды. Бұл іс бойынша тергеу шаралары жалғасып жатыр.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай