Қайрат Әбдірахманов жаңа қызметке тағайындалды, - деп хабарлайды Tengrinews.kz тілшісі Ақордаға сілтеме жасап.
"Қайрат Құдайбергенұлы Әбдірахманов Қазақстан Республикасының Швеция Корольдігіндегі Төтенше және Өкілетті Елшісі қызметіне", - делінген Ақорданың хабарламасында.
Дастан Шериазданұлы Елеукенов Қазақстан Республикасының Швеция Корольдігіндегі Төтенше және Өкілетті Елшісі қызметінен, Қазақстан Республикасының Дания Корольдігіндегі Төтенше және Өкілетті Елшісі қызметін қоса атқарудан босатылды;
Мұғалімнен министрге дейін: Қайрат Әбдірахманов туралы не білеміз?
Әбдірахманов Қайрат Құдайбергенұлы Талдықорған облысы Панфилов ауылында дүниеге келген. Қазақ мемлекеттік университетінің тарих факультетін бітірген. 1987-1991 жылдары Қазақ политехникалық институтының тарих пәні бойынша мұғалімі. 1991-93 - ҚМУ аспиранты. 1993-97 жылдардың өзінде Қазақстан СІМ екінші, үшінші хатшысы, бөлім бастығы, Азия елдері басқармасы бастығының орынбасары болды.
