Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Шетел валютасын шекарадан шығаруға тыйым салу: қандай жауапкершілік қарастырылған? 15 наурыз 2022, 18:01

Мемлекеттік кірістер комитеті шетел валютасын шекарадан шығаруға салынған тыйымды бұзған жағдайда жауапкершілік қарастырылғанын ескертті, -
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Фото: elements.envato.com Фото: elements.envato.com

Мемлекеттік кірістер комитеті шетел валютасын шекарадан шығаруға салынған тыйымды бұзған жағдайда жауапкершілік қарастырылғанын ескертті, - деп хабарлайды Tengrinews.kz тілшісі комитеттің баспасөз қызметіне сілтеме жасап.

"Мемлекеттік шекарадан өту кезінде кідірістерге жол бермеу үшін қолма-қол ақшаны алдын ала есептеп шығуға кеңес берілді. Қолма-қол ақша мен шетелдік валютадағы ақша құралдары сомасының баламасы Қазақстан Республикасы Ұлттық банкінің бағамы бойынша 10 000 (он мың) АҚШ долларынан аспауы қажет", - делінген хабарламада.

Сондай-ақ, Қазақстан Республикасының Ұлттық банкі шығаратын аффинирленген алтынның 5, 10, 20, 50 және 100 грамм алтын құймалары және ALTYN BARYS алтынынан және KÚMIS BARYS күмісінен жасалған инвестициялық монеталардың, сондай-ақ 100 грамнан асатын аффинирленген алтынды өзімен бірге (багажда) алып кетуге болмайды.

МКК тыйымның бұзылуы анықталған жағдайда, тұлғалар Қазақстан Республикасының заңнамасына сәйкес әкімшілік немесе қылмыстық жауапкершілікке тартылатыны туралы ескертті. Әкімшілік жауапкершілікке тартылған жағдайда он бес айлық есептік көрсеткіш мөлшерінде (45,9 мың теңге) айыппұл салынады. Сондай-ақ, соттың шешімі бойынша аталған ақша мен тауарлар мемлекет кірісіне тәркіленуі мүмкін.

Бұған дейін Президент Қасым-Жомарт Тоқаев "Қазақстан Республикасының қаржылық тұрақтылығын қамтамасыз ету шаралары туралы" Жарлыққа қол қойған болатын. Оған сәйкес, шетел валютасы мен алтынды шекарадан шығаруға тыйым салынады.

Шетел валютасын шекарадан шығаруға қатысты тыйым қалай реттеледі?

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram