Шетелге шығуға шектеу: ІІМ хабарламаға жауап берді 29 сәуір 2021, 16:47
Әлеуметтік желілер мен мессенджерлерде қазақстандықтарға шетелге жылына бір рет қана шығуға мүмкіндік беретін заң жобасы әзірленіп жатқаны туралы хабарлама тарап жатыр. ІІМ ақпаратқа түсінік берді, - деп хабарлайды Tengrinews.kz тілшісі StopFake.kz сайтына сілтеме жасап.
ҚР ІІМ шетелге шығу санын шектеу туралы ақпаратты жоққа шығарды.
"Instagram қолданушысы көші-қон саласындағы халықаралық келісімдерге қатысты жалған ақпарат жариялады. ҚР ІІМ Көші-қон қызметі комитеті ақпараттың шындыққа жанаспайтынын хабарлайды.
ІІМ өз кезегінде келісімдерге қол қою кезінде ең алдымен азаматтарымыздың конституциялық құқықтарын қорғауды басшылыққа алады. Қазақстан Республикасы Конституциясының 21-бабының 2-тармағына сәйкес, "Әркімнің Республикадан тыс жерлерге кетуіне құқығы бар. Республика азаматтарының Республикаға кедергісіз қайтып оралуына құқығы бар", - делінген ведомство жауабында.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!