Таиландтағы қазақстандық туристтерге қарапайым киініп, қоғамдық жерлерде көңіл көтермеуге шақырды

16 Қазан 2016, 15:27
0
Таиландтағы қазақстандық туристтерге қарапайым киініп, қоғамдық жерлерде көңіл көтермеуге шақырды - © 1News.md
© 1News.md

Таиландтағы қазақстандық туристтерге елдегі жарияланған қаралы күнге байланысты қарапайым киініп, қоғамдық жерлерде көңіл көтермеуге шақырды, - деп хабарлайды Tengrinews.kz тілшісі ҚР Инвестициялар және даму министрлігіне сілтеме жасап.

"Қазақстан Республикасының Инвестициялар және даму министрлігінің туризм индустриясы департаменті Таиландта жүрген қазақстандық туристтерге монархтарының қайтыс болуына байланысты аза тұтып жүрген сол елдің тұрғындарына құрмет көрсетіп, қарапайым киініп, қоғамдық жерлерде көңіл көтермеуге және қаралы күндер кезінде көпшілік шерде Таиланд королінің отбасы туралы сөз қозғамауға шақырды. Сондай-ақ ҚР ИДМ туризм индустриясы департаменті туроператорларға, Таиландқа барушы өзінің клиенттеріне қаралы күн кезінде қалай ұстауды ескертуді шақырды, - делінген Туризм индустриясы департаментінің директоры Марат Иғалидің хатында.

Еске салайық, 2016 жылы 13 қазанда 89 жасқа келген Таиланд королі Пхумипон Адульядет қайтыс болған, ол билікте 70 жыл отырған және әлемдегі ең көп басқарған монарх болып саналады. 

Елде бір жылдық траур жарияланған. Ел премьер-министрі Прают Чан-Оча өз отандастарын бір ай бойы кез-келген мерекелік шаралардан бас тартуға шақырды. БАҚ мәліметінше, алкогольдік ішімдіктер сататын дүкендер жабылған. 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай