Теракт жайлы жалған хабар берді деп сотталған қарағандылық мұғалім бостандыққа шықты

17 Маусым 2017, 11:06
0
Теракт жайлы жалған хабар берді деп сотталған қарағандылық мұғалім бостандыққа шықты -

Юрий Пак бостандыққа шықты. Ер адамды жақындары, туыстары және мұғалімдер АК - 159/18 колониясының алдында күтіп алды, - деп хабарлайды Tengrinews.kz тілшісі.

Қарағандылық мұғалім теракт жайлы жалған хабар бергені үшін сотталған болатын. Сот процесін бүкіл Қазақстан бақылаған еді.

Юрий Пак бірінші кезекте әйелін құшақтады.  Келгендердің барлығы Юрий Пак пен оның әйелі Ольганы құттықтап жатты.


Юрий Пактың отбасы.

Қарағандылық мұғалімнің туыстары да көз жасын жасыра алмады.

Ольга Пактың айтуынша, бүгін олардың үйіне күйеуінің оқушылары келеді екен. Олар мұғалімді қатты сағынып, уайымдап, тіпті бітіру кешін 24 маусымға ауыстырған. Айта кетейік, Юрий Пактан басқа бүгін біраз сотталушы бостандыққа шығып отыр.

 

Еске салайық, 2016 жылдың 3 қазанында Юрий Пак 2 жылға бас бостандығынан айырылған еді. Тергеу нұсқасы бойынша, 2016 жылдың сәуір айында педагог жұмыс орнында отырып, 102 пультіне қоңырау шалып, орталық әмбебап дүкенінде жарылғыш заттың қойылғаны туралы хабар берген. Бұл ақпарат расталмады. Мұғалімге шығарылған үкім әлеуметтік желіде көп талқыланды. Көпшілік сот үкімінің әділетсіз екенін және сотталушының айыбы жоғы туралы жазды. Кейінірек прокурорлар және Қарағандының Қазыбек би аудандық сотының төрағасы сот шешіміне қатысты пікірлерін білдірді.

"Террорлық акт туралы көрінеу жалған хабар беру" бойынша сотталған қарағандылық физика пәнінің мұғалімі Юрий Пактың апелляциялық шағымын да сот алқасы өзгеріссіз қалдырған болатын.

Мұғалімнің басында болған оқиға туралы Сенат депутаты Дариға Назарбаева Бас прокуратурадан білгісі келді. "Мен Бас прокуратураға хат жолдап, іс материалын тағы бір жіті қарап шығуын сұрадым", - деген болатын Дариға Назарбаева, сонымен қоса ол сот жүйесінің істеріне парламентарилер де араласа алмайтынын айта кеткен.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай