Қазақстан Президенті Қасым-Жомарт Тоқаев Еуразиялық экономикалық одақ (ЕАЭО) елдерінің көшбасшыларына пандемиямен күресу үшін ғылым мен фармацевтика саласында бірлескен жобалар әзірлеуді ұсынды, - деп хабарлайды Tengrinews.kz тілшісі.
Тоқаевтың төрағалығымен Жоғары Еуразиялық экономикалық кеңестің (ЖЕЭК) отырысы онлайн-форматта өтіп жатыр.
Қазақстан Президенті Қазақстанның коронавирусқа қарсы QazVac вакцинасын жасағанын еске салды. Сондай-ақ, ол пандемия кезіндегі интеграциялық ынтымақтастықтың ерекше мысалы ретінде Қарағандыда ресейлік "Спутник V" вакцинасын өндіру жобасын атады.
"Менің ойымша, біз пандемияны сәтті еңсеру үшін күш-жігерімізді біріктіріп, ғылым мен фармацевтика саласындағы бірлескен жобаларды әзірлеп, қажет болған жағдайда санитарлық-эпидемиологиялық режимдерді белгілеу жөніндегі іс-қимылдарды үйлестіруіміз керек", - деді Тоқаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
