Президент Мемлекеттік ту көтеру рәсіміне қатысты, - деп хабарлайды Tengrinews.kz тілшісі Ақордағы сілтеме жасап.
Қасым-Жомарт Тоқаев елордадағы "Атамекен" этномемориалды кешенінде өткен Мемлекеттік ту көтеру рәсіміне қатысты.
Құрмет қарауылының бастығы салтанатты іс-шараға дайындығы туралы Президентке рапорт берді.
Содан кейін еліміздің әнұраны шырқалып, көк байрағымыз көтерілді.
Суреттер: Ақорданың баспасөз қызметі
Қазақстанда Ұлттық рәміздер күні 2007 жылдан бері атап өтіліп келеді. Конституциялық заңмен белгіленген мемлекеттік рәміздер елдің айрықша белгілері болып табылады.
Қазақстанның мемлекеттік рәміздері 1992 жылы 4 маусымда қабылданды. Оларға ту, елтаңба және әнұран кіреді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
