Қасым-Жомарт Тоқаев Венадағы атысқа қатысты пікір білдірді, - деп хабарлайды Tengrinews.kz тілшісі.
Бұл туралы Президент Twitter желісіндегі парақшасында жазды.
Венадағы жантүршігерлік терактіні ешқандай ақтап алуға болмайды. Австрия Үкіметі мен халқының қайғысына ортақпын. Халықаралық қоғамдастықтың күш-жігерін терроризмге, адамзатты жеккөрушілік идеологиясы мен әрекетіне қарсы тиімді біріктіру керек.
— Qasym-Jomart Toqayev (@TokayevKZ) November 3, 2020
Еске салайық, мұның алдында терроршылардың Австрия астанасына алты жерден шабуыл жасағаны хабарланған болатын. Шабуыл салдарынан екі адам - ер адам және әйел қайтыс болды. 15 адам жарақат алды, оның жетеуінің жағдайы ауыр. Оның біреуі - полиция қызметкері.
Венадағы атыс: қаза тапқандар мен зардап шеккендер арасында қазақстандықтар жоқ
Қазақстан жаңалықтары. Соңғы жаңалықтар. Telegram желісінде бізге жазыл!