Coca-Cola компаниясы Zero Sugar ("қантсыз") сусындарын шығарады, деп хабарлады Lenta.ru.
Порталдың хабарлауынша, бұл сусындарда үш жаңа дәм болады - авокадо, ашытқы және белсендірілген көмір. Бренд иелері бұл дәмдердің сатып алушыларды көбейте түсетініне сенім білдіріп отыр.
"Оларда тамаша дәм ғана болмайды, олар қантсыз болады", - дейді олар.
"Авокадо" сусындары - дәмді әрі нәрлі, "Көмір" сусындары - ағзаны тазалайтын және жаңалайтын, ал ашытқы дәмі бар сусындар қышқылдығымен таңғалдырмақшы.
"Өндірушілер бастапқыда шиенің, ванильдің және лимонның дәмін қарастырған, алайда олар әлдеқайда экстремалды нұсқаларға тоқтапты", - делінген жарияланымда.
Басылымның мәліметінше, Zero Sugar сериясы он жылдан аса уақыт бұрын шығарылған және Diet пен Coca-Cola Life сусындарымен қатар кеңінен танылды - олар барлық сатылымның 43 пайызына ие.