ҚР Бас әскери прокуратурасында кадрлық ауыс-түйіс болды, - деп хабарлайды Tengrinews.kz ҚР Бас прокуратурасының баспасөз қызметіне сілтеме жасап.
Әділет полковнигі Александр Подушкин Сарыағаш гарнизонының әскери прокуроры қызметінен босатылып, Шымкент гарнизонының әскери прокуроры болып тағайындалды. Ал Сарыағаш гарнизонының әскери прокуроры болып әділет подполковнигі Николай Комиссаров тағайындалды. Ол Бас әскери прокуратура аппаратында қызмет істеген.
Сонымен бірге, бұрын Шымкент гарнизонының әскери прокурорының орынбасары қызметін атқарған әділет подполковнигі Есжан Сыбанбаев Қызылорда гарнизонының әскери прокуроры болып тағайындалды.
