Екінші орта салмақта өнер көрсететін қазақстандық боксшы Дәурен Елеусінов кәсіпқой бокстағы бесінші жеңісіне қол жеткізді, - деп хабарлайды Vesti.kz.
29 жастағы қазақ боксшысы бұл жолы 25 жастағы америкалық Бернард Томаспен жұдырықтасты. Нью-Йоркте өткен жекпе-жек кезінде Елеусінов қарсыласын бірінші раундта нокаутқа түсірді.
Айта кетейік, Елеусінов бұған дейінгі төрт жекпе-жекте де жеңіске жеткен еді. Ал америкалық боксшы осымен үшінші рет жеңіліс тауып отыр. Оның қоржынында бес жеңіс бар.