Владимир Школьник ҚР энергетика министрі қызметінен кетті, - деп хабарлайды Tengrinews.kz тілшісі Ақордаға сілтеме жасап.
"Мемлекет басшысының Жарлығымен Владимир Сергеевич Школьник Қазақстан Республикасының Энергетика министрі қызметінен босатылды", - делінген хабарламада.
Ол бұл қызметке 2014 жылдың тамызында келген еді. Оған дейін бес жылдан аса уақыт бойы "Қазатомөнеркәсіп" компаниясын басқарды. Ол 2006-2007 және 2008-2009 жылдары индустрия және сауда министрі қызметін атқарды. Ал 2007-2008 жылдары ҚР Президентінің Әкімшілігі жетекшісінің орынбасары болды. 2000-2002 жылдары ҚР премьер-министрінің орынбасары қызметін атқарды.