Қазақстандық дзюдошы Галбадрах Отгонцэцэг дзюдодан Түркияда өткен жарыста бас жүлдені жеңіп алды, - деп хабарлайды Vesti.kz.
Отгонцэцэг ең жеңіл 48 келіге дейінгі салмақ дәрежесі бойынша бірінші орынға ие болды. Қазақстандық дзюдошы бірінші француз спортшысы Летиция Пайетті жеңді. Ал ақтық сында Отгонцэцэг жарыс иесі Диляра Локманхекимнен басым түсті.
Осылайша, спортшы қызымыз бұл салмақ дәрежесі бойынша бразилиялық Олимпиадаға басты үміткер екенін дәлелдеді. Еске сала кетейік, олимпиада Бразилияда 5-21 тамыз аралығында өтеді.