Қазақстанда ауа райының қолайсыздығына байланысты үш облыста жолдар жабылды, - деп хабарлайды Tengrinews.kz тілшісі ҚР ІІМ ТЖК мәліметіне сілтеме жасап.
Алматы облысында қатты жел мен жолдың көрінбеуіне байланысты Сарыөзек - Көктал (40-80 шақырым, Көгалы ауылы - Басшы ауылы) тасжолы барлық көлік түрі үшін жабылды. Сондай-ақ, Үшарал - Достық (83-184 шақырым) тасжолы барлық көлік түрі үшін жабылды.
Шығыс Қазақстан облысындағы Алматы - Өскемен (973-1073 шақырым, Өскемен - Қалбатау ауылы) тасжолы барлық көлік түрі үшін жабылды.
Солтүстік Қазақстан облысында Саумалкөл - Новоишим (0-91 шақырым) тасжолы барлық көлік түрі үшін жабылды.