Бокс туралы жаңалықтар мен мемдер жариялайтын The Haymonites белгілі твиттер-акаунты ұлыбританиялық боксшы Билли Джо Сондерсті мазақ етті, - деп хабарлайды Vesti.kz.
"GGG еліңе келіп, оның жаттығуына жиналғандардың саны сенің жекпе-жегіңе келетіндерден асып түскен сәттегі ыңғайсыздық", - деп мазақ етті Сондерсті.
Еске салайық, желтоқсан айының басында Сондерс Головкинмен жекпе-жек өткізу туралы айтқан. Бірақ, кейін WBO оны Сауль "Канело" Альвареспен жекпе-жек өткізуге міндеттеді.
Головкин өзінің басты мақсаты - орта салмақтағы барлық белбеулерді біріктіру екенін бірнеше рет айтқан. Ол үшін Головкинге осы Сондерстегі WBO белбеуі ғана жетпей тұр.