Детройтта өткен NAIAS-2017 автосалоны аясында Toyota Motor Corporation жапониялық компаниясы Toyota Camry-дің сегізінші буынын таныстырды, - деп хабарлайды Uincar.ru.
Басылымның жазуынша, TNGA (Toyota New Global Architecture) платформасы негізіндегі жаңа генерациялық көлік осы модельдің тарихындағы жаңа тарау болмақ.
Toyota Camry-дің жаңа седаны сырт пішіні жағынан өзгерістерге ұшырағанымен, бірден танылады. Детройттағы автосалонда компания солтүстік америкалық нарыққа арналған көліктерін таныстырып, жапониялық бизнес-седан бестселлер болды. Жапон брендінің еуропалық нарыққа қашан шығатын әлі белгісіз.
"Толықтай жаңартылған Toyota Camry ’2018 біз шығарған орташа көлемді седандар ішіндегі ең тартымды екені сөзсіз", - деп атап өтті таныстырылым кезінде Toyota компаниясының аға вице-президенті Боб Картер.
Жаңа Toyota Camry алдыңғыларына қарағанда сәл төмен, дегенмен бұл салонның кеңдігі мен жайлылығына зиянын тигізбегенін айтады компания өкілдері. Америкалық нарықта көліктің төрт жиынтығы ұсынылады: LE, XLE, SE және XSE.
Көлік салонында 8-дюймді мультимедиялық экран және навигациялық жүйе орнатылған, ол климат теңшеулерге де пайдаланылады. Сонымен қатар, жабдық панелінде 7-дюймді ақпарат мониторы орнатылған. Сонымен қатар, көлік Toyota Safety Sense P қауіпсіздік пакетімен жабдықталады.
Жаңа Toyota Camry-дің қарапайым 2,5 литрлік көлемдегі "төрттік" және сегіз жылдамдығы бар, беріліс қорабы, 3.5 V6. қозғалтқышы болады.