Нұрсұлтан Назарбаев Владимир Алесинді қызметінен босатты, - деп хабарлайды Tengrinews.kz тілшісі Ақордаға сілтеме жасап.
"Мемлекет басшысының Өкімімен Владимир Иванович Алесин зейнеткерлік жасқа толуына байланысты Ұжымдық қауіпсіздік туралы шарт ұйымының жанындағы Тұрақты кеңестегі Қазақстан Республикасының Өкілетті өкілі қызметінен босатылды", - делінген хабарламада.
Мемлекет басшысының Жарлығымен бұл қызметке Жәнібек Иманәлиев келді.
"Жәнібек Абдуләкімұлы Иманәлиев Ұжымдық қауіпсіздік туралы шарт ұйымының жанындағы Тұрақты кеңестегі Қазақстан Республикасының Өкілетті өкілі қызметіне тағайындалды", - делінген Ақорданың сайтында.
