SpaceX Falcon Heavy зымыран-тасығышын ұшу-қону алаңына қалай қонатынын көрсетті, - деп хабарлайды Tengrinews.kz тілшісі.
Бұл туралы компанияның Instagram желісіндегі парақшасында айтылады.
"SpaceX Falcon Heavy зымыран-тасығышын 1 және 2 қону аймақтарына қондыруға тырысады", - делінген видеоның сипаттамасында. Бірақ нақты қашан қондырылатыны айтылмаған.
Посмотреть эту публикацию в Instagram
Айта кетейік, Falcon Heavy Falcon 9 базасында жасалады. Ол басқарылатын Dragon V2 кемесіне тасымалдаушы болады, онымен ғарыштық туристер ай орбитасымен ұшып өтеді. Сонымен қатар, зымыран Марсқа Масктың жеке көлігі Tesla Roadster-ді жібереді. Тасымалдаушы 63,8 тонна жүкті жеткізе алады, оны ұшырудың құны - 90-120 миллион доллар.