Нұр-Сұлтанда көлік дөңгелектерін ұрлаумен айналысқандар ұсталды, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.
Полициядағылардың мәліметінше, олар "Алматы" және "Байқоңыр" аудандарында көлік дөңгелектерін ұрлап жүрген.
"Жедел-іздестіру шаралары барысында жергілікті бес тұрғын ұсталды. Тергеу барысында күдіктілердің күндізгі уақытта көліктерде дабылдың бар-жоғын тексеріп, түнгі уақытта дөңгелектерін алуға барғаны анықталды", - деп хабарлады полициядағылар.
Сондай-ақ, ведомство мәліметінше, барлығы тәркіленді. Осы деректер бойынша сотқа дейінгі тергеу жұмыстары жүріп жатыр.