Димаш Құдайберген әлемге танымал Starbox magazine интернет-журналының мұқабасына шықты, - деп хабарлайды Tengrinews.kz тілшісі.
Қазақстандық әнші бұл жаңалықты Іnstagram әлеуметтік желісіндегі парақшасында жазды. Starbox басылымы 2014 жылдан бері жұмыс істейді. Ол әйгілі адамдардың, шоу-бизнес жұлдыздарының сұқбаттары мен суреттерін жариялайды.
Бұған дейін Димаш Құдайбергеннің суреті Қытайдың танымал Men's Health және Southern Metropolis Daily, Chic Teen журналдарының мұқабасына шыққан. Биыл 7 маусымда отандасымыз МУЗ-ТВ 2019 жүлдесінің арнайы қонағы болады. Сондай-ақ, жас орындаушы 29 мамырда елордада жеке концертін беруді жоспарлап отыр.