ҚР Ұлттық қауіпсіздік комитеті шекара қызметі баспасөз қызметінің өкілдері бірнеше шекаралық өткізу бекетінде болған заңсыз әрекеттерді жариялады, - деп хабарлайды Тengrinews.kz тілшісі.
Павлодар шекаралық жасағының учаскесінде "Үрлітөбе" өткізу бекетінде травматикалық қаруға 9 калибрлі 12 оқты алып өтпек болған азамат анықталып, ұсталған. Қордай шекара жасағының учаскесінде "Қарасу" өткізу пунктінде Geco-9 mm PABLANC маркалы травматикалық тапаншаның 9 калибрлі 8 оғын анықтап, заңсыз әрекетке шектеу қойылды.
Сондай-ақ, Бейнеу шекарашылары "Нүкіс-Бейнеу" бағытындағы № 647 теміржол құрамын тексеріп қарау кезінде Өзбекстан Республикасының 42 жастағы азаматынан қол жүгінде жүзінің ұзындығы 25 және 15 сантиметр 2 дана қолдан жасалған пышақтар табылды.
Заттай айғақтар полицияға акт бойынша тапсырылды.