1. Басты
  2. Біл
  3. Жаңалықтар

Нұр-Сұлтанда 2 жасар бала коронавирустан жазылды

Көрнекі сурет: elements.envato.com Көрнекі сурет: elements.envato.com

Нұр-Сұлтанда 2 жасар бала коронавирустан жазылды, - деп хабарлайды Tengrinews.kz елорда әкімдігіне сілтеме жасап.

Нұр-Сұлтанда 21 сәуірде 17 науқас коронавирустан жазылды. Олар стационарда 3 және 4 сәуірден бері емделген. Барлық науқас КВИ емдеудегі клиникалық хаттамаға сәйкес ем қабылдады. Енді 2 апта бойы үйдегі карантинде болады.

"21 сәуірде жазылғандардың арасында екі бала бар - 2015 жылы туған ұл және 2018 жылы туған қыз. Бұдан бөлек, коронавирустан жазылған жүкті әйел 17 сәуірде босанды. Баланың коронавирусқа талдауы теріс нәтиже көрсетті. Қазір Нұр-Сұлтанда коронавирус диагнозымен 390 науқас емделіп жатыр", - деп хабарлады әкімдіктің баспасөз қызметі.

Еске салайық, бүгін Алматы қаласында 127 дәрігердің коронавирус жұқтырғаны анықталды.

Қазақстан жаңалықтары. Соңғы жаңалықтар. Telegram желісінде бізге жазыл!