Теңгенің долларға қатысты бағамының ауытқу дәлізі кеңейді

ҚР Ұлттық банкі теңге бағамын өзгертуге шешім қабылдады, - деп хабарлайды Tengrinews.kz тілшісі. Бұл туралы банк басшысы Қайрат Келімбетов брифингте айтты.

"Бағамның ауытқу дәлізін өзгерту туралы шешім бүгін қабылданды. Ертеңнен бастап күшіне енетін болады", - деді Ұлттық банк төрағасы. Сөйтіп, теңгенің долларға қатысты бағамының ауытқу дәлізі 185 плюс/минус 3-тен 185 плюс 3/минус 15-ке дейін кеңейді.

Еске сала кетейік, 3 қыркүйек күні ҚР Ұлттық банкінің төрағасы Қайрат Келімбетов теңгенің долларға қатысты бағамының өзгеруі мүмкін екенін мәлімдеген еді. Келімбетов теңге бағамының 181-ден 179-ға дейін төмендеуі мүмкін екенін түсіндірді. Сондай-ақ ол бағамның 170-ке дейін құлдырау мүмкіндігін де жоққа шығармады.

Ал Ұлттық банк басшысының кеңесшісі Олжас Құдайбергенов Facebook-те теңге бағамының долларына 179-182 теңге аралығында болатынын хабарлады. Дегенмен ол бұл болжамның Ұлттық банктің ресми ұстанымын білдірмейтінін айтты.