+7 (777) 001 44 99
Қазақша
Русский
English
Қазақша
Русский
English
Ақтауда әкімінің жаңа орынбасары тағайындалды. Бұл қызметке Әсет Шопанов келді, - деп хабарлайды Tengrinews.kz тілшісі әкімдік мәліметіне сілтеме жасап.
Әсет Шопанов Ш.Есенов атындағы Ақтау мемлекеттік университетін тәмамдаған. Ол еңбек жолын 2002 жылы Бейнеу ауданы әкімі аппаратының бас маманы ретінде бастаған. 2003-2018 жылдар аралығында Бейнеу ауданы әкімдігінде түрлі қызметтер атқарған.
2018-2020 жылдары Маңғыстау облысының жұмыспен қамтуды үйлестіру және әлеуметтік бағдарламалар басқармасында әртүрлі лауазымдарда жұмыс істеген.
2020-2022 жылдары осы басқарма басшысының орынбасары қызметін атқарса, 2022-2024 жылдары басқарма басшысы болған.
Жергілікті БАҚ мәліметінше, 2024 жылғы мамырдың аяғында Әсет Шопанов мас күйінде көлік жүргізгені үшін ұсталған. Ол кезде ол Маңғыстау облысының жұмыспен қамтуды үйлестіру және әлеуметтік бағдарламалар басқармасының басшысы қызметін атқарған. Сот оны ҚР ӘҚБтК-нің 608-бабы 1-бөлігі бойынша кінәлі деп танып, 15 тәулікке қамау және 7 жылға жүргізуші куәлігінен айыру туралы шешім шығарған.
Кейін Маңғыстау облысы әкімдігі Әсет Шопановқа қатаң сөгіс түріндегі тәртіптік жаза қолданылғанын хабарлады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
