Төрт жасар қыз әлемнің ең жас вундеркиндтерінің бірі деп танылды

12 Наурыз, 10:19
0
Төрт жасар қыз әлемнің ең жас вундеркиндтерінің бірі деп танылды - Алана Джордж. © mirror.co.uk
Алана Джордж. © mirror.co.uk

Ұлыбританияда төрт жасар қыз әлемнің ең жас вундеркиндтерінің бірі деп танылды. Оның IQ көрсеткіші 140 балл деңгейінде, - деп жазады Lenta.ru.

Алана Джорджтың (Alannah George) ата-анасы Надин мен Эдмунданың айтуынша, қыздары кішкентай кезінен-ақ әріптер мен сандарға қызығушылық білдіріп, бөтен біреудің көмегінсіз сөздерді оқуды да үйреніп алған.

"Өзі әлі кіп-кішкентай, бірақ өмірін оқусыз елестете алмайды. Оның соншалықты ақылды екенін білгенде - өзіміз де қорқып кеттік, - дейді қыздың анасы Надин. - Ол өте дарынды, алайда біз оның осыншалықты дарыны бар екеніне әлі сене алмай отырмыз".

Анасының айтуынша, ол баласының ерекше дарынын 7 айлық кезінде байқаған. Алана сол кездің өзінде әріптерді атап, бір жылдан соң толық бір сөйлемді оқып, тіпті сөйлей алатын болған. Үш жасында өз бетінше оқи бастаған.

Кейіннен анасы Алананың ақыл-ой дамуын тексеру үшін мамандарға барған. Тестілеудің нәтижесі 4 жасар қыздың жеті жастағы баланың деңгейінде оқи алатынын және 6,5 жастағы бала сияқты ойлау қабілетіне ие екенін көрсеткен.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай