Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Асхат Тарғын тойдағы төбелес жайлы: Асабаның балағаттағаны намысыма тиіп кетті

04 Қазан 2016, 16:47
2
© Свобода Слова/Видео кадрлары
© Свобода Слова/Видео кадрлары

Әнші Асхат Тарғын жанжалдасқан асаба Айбек Қоңырбаевты сотқа бермейтінін мәлімдеді, - деп хабарлайды Tengrinews.kz тілшісі.

Айта кетейік, осыған дейін әлеуметтік желілерде Асхат Тарғынның бұл істі сот арқылы шешетіні жайлы пікірлер айтылған. Алайда орындаушы мұндай ойының болмағанын жеткізді.  

Әншінің айтуынша, асаба оны балағаттаған. "Ол мені балағаттады. Бұл менің намысыма тиіп кетті. Бірақ сотқа беру туралы ойым да болған жоқ, мұндай ұсақ-түйек дүниеге бола соттасып жатудың өзі артық, ер жігітпіз ғой, ер адам болғаннан кейін ондай дүниелер болып тұрады. Бас жарылып, көз шығып жатқан жағдай жоқ, сондықтан ол мені сотқа бермесе, мен оны сотқа тартпаймын", - деді Асхат Тарғын.

Асхат Тарғын асаба кешірім сұрап келсе, оған кешірім беруге де дайын екенін айтып отыр. "Ашуға беріліп кеткен шығармыз, ер адам болған соң қызбалық болған да шығар. Бірақ өзінікі дұрыс болмады, бірінші бастап итерді. Өз басым әлеуметтік желілердегі осы оқиға туралы пікірлерді оқып жүрмін, кейбірі тіпті мас болған дегенді айтыпты, бірақ мен ешқашан шылым да шекпегенмін, алкоголь де ішпегенмін", - деді ол.

Еске салайық, әнші Асхат Тарғын мен асаба Айбек Қоңырбаевтың тойдағы төбелесі түсірілген видео Желіде пайда болған еді. Бұдан кейін Асхат Тарғынмен төбелескен асаба жанжалдың неден шыққанын айтып берген еді.


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай