1. Басты
  2. Біл
  3. Өмір
  4. Бір үзік

"Адамдар, қараңдар": құлынды көлігімен тасыған астаналық ұсталды21 қараша 2020, 11:00

Видео кадры Видео кадры

Нұр-Сұлтан қаласының тұрғыны құлынды көлігімен тасыған. Видео әлеуметтік желіде тарады, - деп хабарлайды Tengrinews.kz тілшісі.

Көлікте құлынды тасып келе жатқан үш ер адам отыр.

"Адамдар, қараңдар. Астана қаласы. Кез келген қала арасы, үй жануары, ешқандай жылқы тасығышсыз, ГАЗелсіз", - дейді жүргізуші.  

Ескерту! Бейәдеп лексика

Нұр-Сұлтан қаласының Полиция департаменті тексеріс барысында видео авторы ұсталғанын хабарлады. Ол - Нұр-Сұлтан қаласының 27 жастағы тұрғыны. 

"Оның айтуынша, құлынды Ақмола облысындағы ауданның бірінен сатып алған. Ол құлынды тасуға кететін ақшаны үнемдеу мақсатында ВАЗ-2110 маркалы көлігінің салонында тасып, Қызылсуат аулына барған. Жүргізушінің сөзінше, видеоны отбасылық чатқа әзілдеп жіберген", - дейді полиция өкілдері.    

Аталған дерек бойынша, жүргізушіге қатысты әкімшілік хаттама толтырылған. Сонымен қатар, материал Нұр-Сұлтан қаласы бойынша ветеринариялық бақылау және қадағалау комитетінің аумақтық инспекциясына жіберілді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!