1. Басты
  2. Біл
  3. Өмір
  4. Бір үзік

Алимент төлемеген алматылық пәтерінен айырылды30 қыркүйек 2020, 09:05

Фото: Tengrinews.kz Фото: Tengrinews.kz

Алматыда Абай даңғылындағы үй иесі алимент төлеуден жалтарғаны үшін пәтерінен айырылды. Бұл туралы Әділет департаменті мәлімдеді, - деп хабарлайды Tengrinews.kz тілшісі.

Кәмелетке толмаған баланы асырау үшін еңбекақы мен басқа да кірістердің барлық түрінің төрттен бір бөлігі мөлшерінде ай сайынғы алимент өндіріп алу туралы атқарушылық құжатты Қарағанды ​​қаласы Октябрь ауданының №2 аудандық соты шығарды.

Баланың әкесінің жалпы қарызы 2 323 066 теңге болған кезде мүлік сатылды.

"Сатып алу-сату шартына сәйкес, тыйым салынған жылжымайтын мүлік 20 484 149 теңгеге сатылды. Төлем тапсырмасы бойынша алимент қарызы 2 323 066 теңге өндіріп алушыға аударылды", - дейді департамент өкілдері.

Еске салайық, 22 қыркүйекте алимент төлемеген астаналық та Toyota Land Cruiser Prado маркалы көлігінен айырылған болатын. 

Қазақстан жаңалықтары. Соңғы жаңалықтар. Telegram желісінде бізге жазыл!