21 жастағы студент қыз Нұрсұлу Бегжанова "Астана аруы-2017" атанды, - деп хабарлайды Tengrinews.kz тілшісі.
Байқаудың финалы Астанада өтті. Жеңімпаздың есімін Олимпиада чемпионы Василий Левит жариялады.
18 жастағы Анастасия Шинкина бірінші вице-ару атанды.
19 жастағы Маймуна Күлкешова екінші вице-ару атағын алды.
Жалпы байқаудың іріктеуіне 17-24 жас аралығындағы 18 қыз қатысты. Олар 300 қыздың арасынан таңдалған еді.
Байқаудың қазылар алқасында "Астана аруы" байқауының директоры Ольга Радеш, Superstar.Kz байқауының гранд-финалисі, қазақстандық боксшы Владимир Левит, Жазира Жанкина мен басқалар болды.
Еске сала кетейік, былтыр "Астана аруы -2016" атағын 18 жастағы Елназ Нұрсейітова алған болатын.
