1. Басты
  2. Біл
  3. Спорт
  4. Теннис

"Ролан Гаррос" жеңімпазы пандемия кезінде супермаркетке жұмысқа тұрды

© Twitter © Twitter

2019 жылы "Ролан Гарростың" жұптық сынында жеңімпаз болған Кевин Кравитц пандемия кезінде супермаркеттердің біріне жұмысқа орналасқанын мәлімдеді, - деп хабарлайды Spiegel.

Бұған дейін Кәсіпқой теннисшілер қауымдастығы (АТР) мен Әйелдер теннисі қауымдастығы (WTA) коронавирусқа байланысты барлық турнирді тоқтатқан болатын. 

"Кәсіпқой ретінде теннис залында жаттыға аламын, сондықтан аптасына үш-төрт рет ойнаймын. Бірнеше аптадан бері 450 еуроға супермаркетте жұмыс істеп жүрмін. Әзірше кассада отыруыма рұқсат жоқ. Азық-түлікті сөрелерге қоямын, бос қораптарды түгендеймін. Өткен аптада кіреберісте күзетші болдым, дүкен арбаларын дезинфекциялық құралмен өңдедім. Көптен бері қарапайым жұмысты көруді армандайтынмын. Коронавирустың арқасында осындай мүмкіндік туды", - деді Кравитц. 

Германиялық теннисші 2019 жылы отандасы Андреас Миспен бірге "Ролан Гарростың" жұптық сынында топ жарған еді.

Қазақстан жаңалықтары. Соңғы жаңалықтар. Telegram желісінде бізге жазыл!