Әскери төңкеріс әрекетіне байланысты Turkish Airlines ұлттық әуе тасымалдаушысының 100 қызметкері жұмыстан шығарылды, - деп хабарлайды РИА Новости Түркияның Sabah газетіне сілтеме жасап.
Жұмыстан шығарылғандардың ішінде әуе компаниясының басшылығындағы адамдардың бар екендігі де айтылып отыр.
Еске салайық, 15 шілдеде Түркияда әскерилер мемлекеттік төңкеріс жасауға әрекеттенді. Атыстар туралы бірінші хабар Астана уақыты бойынша 01.00-де жеткен. Ал сенбіде түрік премьері бүлік шығарғандардың ұсталғанын мәлімдеді. Соңғы мәліметтер бойынша, бүлікшілерді қоспағанда Түркияның 246 азаматы қаза тапқан. Екі мыңнан аса адам жарақат алған. Ал төңкеріс әрекетін тергеу барысында 10,6 мың адам ұсталған. Мыңдаған адам жұмыстан қуылған.
