Италияда болған жер сілкінісі құрбандарының саны 247-ге жетті, - деп хабарлайды РИА Новости құтқарушыларға сілтеме жасап. Осыған дейін 159 адамның қаза тапқаны туралы хабарланған.
Бірінші магнитудалық сілкініс (6,0) таңғы сағат 3.36-да Риети провинциясында тіркелген. Осыдан кейін бірнеше рет жер асты дүмпулері болды. Ең қатты болған дүмпулер 4.34-те (07.36 Астана уақытымен) тіркелген. Аматриче мэрі Серджио Пироццидің айтуынша, төтенше жағдай кезінде қаланың жартысы қираған, адамдар қирандылар астында қалған. Жер сілкінісінің ошағы Аккумоли қаласының маңындағы Риети провинциясында болған.
Ал кейінірек жойқын жер сілкінісінің жаңа суреттері мен видеолары пайда болды.
