Кореялық журналист Пхенчхандағы Олимпиаданың медиа қалашығындағы өз номерінде өлі табылды, бұл жөнінде ұйымдастыру комитетінің өкілі Сон Баик Ю мәлімдеді, деп хабарлады РИА Новости.
"Медиа қалашықта (журналистерге арналған қалашық) Пхенчхандағы Олимпиадада жапониялық хабар тарату компаниясы үшін жұмыс істеген 50 жастағы кореялық журналист өз номерінде өлі табылды. Бөлмедегі көршісі оны оятпақшы болған, алайда ол қозғалмапты. Ауруханада оның қайтыс болғаны анықталды", - деді Сон Баик Ю баспасөз мәслихатында.
Айта кетейік, Пхенчхандағы Қысқы Олимпиада ойындары 9-25 ақпан аралығында өтеді.
